وزیرِ اعظم شہباز شریف نے کہا ہے کہ محض سیاسی بیانات کی بنیاد پر پاکستان مسلم لیگ (ن) اور پاکستان پیپلز پارٹی کے تعلقات خراب نہیں ہونے چاہئیں۔
ذرائع کے مطابق وزیرِ اعظم نے اسلام آباد میں پارٹی رہنماؤں کے اہم اجلاس کی صدارت کی جس میں اسپیکر قومی اسمبلی ایاز صادق، وفاقی وزراء اعظم نذیر تارڑ، احسن اقبال، طارق فضل چوہدری، رانا ثناء اللّٰہ اور رانا تنویر حسین شریک ہوئے۔اجلاس میں پیپلز پارٹی اور مسلم لیگ (ن) کے درمیان پیدا ہونے والے سیاسی تنازع کے محرکات کا جائزہ لیا گیا۔ اسپیکر ایاز صادق نے اس حوالے سے دونوں جماعتوں کے رہنماؤں کے درمیان ہونے والی ملاقاتوں پر بریفنگ دی۔
وفاقی وزراء کا کہنا تھا کہ پیپلز پارٹی کے زیادہ تر تحفظات وفاق سے نہیں بلکہ پنجاب حکومت سے متعلق ہیں۔اس موقع پر وزیرِ اعظم شہباز شریف نے ہدایت کی کہ پیپلز پارٹی کے تحفظات افہام و تفہیم کے ذریعے دور کیے جائیں، اسپیکر اور وفاقی وزراء پیپلز پارٹی کی سینئر قیادت سے رابطے جاری رکھیں۔اجلاس میں دونوں جماعتوں کے درمیان رابطے بڑھانے، بیانات کے تبادلے سے گریز اور تحفظات کے حل کے لیے مختلف آپشنز پر غور کیا گیا۔
ذرائع کے مطابق وزیرِ اعظم شہباز شریف اس معاملے پر وزیرِ اعلیٰ پنجاب مریم نواز سے بھی بات کریں گے۔
ننکانہ صاحب: کمشنر لاہور کی کھلی کچہری، غلط ڈیتھ سرٹیفکیٹ پر یو سی سیکرٹری معطل
سندھ پولیس کا بھتہ خوری کے بڑھتے واقعات پر ردعمل، تاجروں کو مکمل تحفظ کی یقین دہانی
