پرتگالی فٹبال اسٹار کرسٹیانو رونالڈو نے ایک اور سنگِ میل عبور کرتے ہوئے دنیا کے پہلے ارب پتی فٹبالر ہونے کا اعزاز حاصل کر لیا ہے۔
سعودی کلب النصر کے ساتھ حالیہ معاہدے کے بعد رونالڈو کی مجموعی دولت کا تخمینہ 1.4 ارب ڈالر لگایا گیا ہے، جو کسی بھی فٹبالر کی اب تک کی سب سے زیادہ دولت ہے، بلومبرگ بلینیئرز انڈیکس کے مطابق۔رپورٹ کے مطابق النصر کے ساتھ جون میں طے پانے والا معاہدہ 400 ملین ڈالر سے زائد مالیت رکھتا ہے، جس میں سالانہ تنخواہ، بونس اور خصوصی مراعات شامل ہیں۔ یہ تنخواہ ٹیکس فری ہے اور معاہدے میں کلب کی ایکویٹی شیئر اور نجی جیٹ استعمال کرنے جیسی سہولتیں بھی شامل ہیں۔
رونالڈو نے اپنے 20 سالہ کیریئر میں مانچسٹر یونائیٹڈ، ریال میڈرڈ اور یووینٹس جیسے یورپی کلبوں کی نمائندگی کی، اور 2002 سے 2023 تک صرف تنخواہوں کے ذریعے 550 ملین ڈالر کمائے۔ نائیکی اور آرمینی کے اشتہاری معاہدوں سے انہیں مزید 175 ملین ڈالر حاصل ہوئے۔بلومبرگ کے مطابق موجودہ معاہدہ کھیلوں کی تاریخ کے سب سے بڑے سودوں میں شمار ہوتا ہے اور رونالڈو کو روجر فیڈرر، مائیکل جارڈن اور ٹائیگر ووڈز جیسے ارب پتی کھلاڑیوں کی صف میں شامل کر دیتا ہے۔
نوبیل کیمسٹری ایوارڈ: سعودیہ نژاد سائنسدان سمیت تین سائنس دانوں کو مل گیا
علی امین پربشریٰ بی بی کے جیل جانے کا الزام بھی لگا: شیر افضل مروت
اسپین پارلیمنٹ میں اسرائیل پر ہتھیاروں کی پابندی کا قانون منظور
علی امین گنڈاپور مستعفی،استعفے پر دستخط کر کے گورنر کو ارسال کر دیا
