دراہمہ (باغی ٹی وی ،نامہ نگارمحمد علی مکھن کی رپورٹ)ڈیرہ غازی خان میں فوڈ اتھارٹی کی کارروائی، 800 لیٹر ملاوٹی دودھ اور ناقص اشیاء تلف
تفصیل کے مطابق پنجاب فوڈ اتھارٹی کی ڈائریکٹر آپریشنز ساؤتھ-1 شہزاد خان مگسی اور ڈپٹی ڈائریکٹر حبیب الرشید کی سربراہی میں غازی گھاٹ پل پر کارروائی کے دوران 800 لیٹر ملاوٹی دودھ موقع پر تلف کر دیا گیا۔
فوڈ سیفٹی ٹیم نے ڈیرہ غازی خان شہر میں مختلف ہوٹلز، بیکریز اور فوڈ ٹریڈرز کا معائنہ کیا، جہاں سے 100 کلو زخمی مرغیوں کا گوشت، 50 لٹر ناقص تیل اور ملاوٹی مصالحہ جات برآمد کر کے تلف کر دیے گئے۔
حفظانِ صحت کے اصولوں کی خلاف ورزی پر دو فوڈ پوائنٹس کو تین لاکھ روپے جرمانہ جبکہ متعدد دکانداروں کو اصلاحی نوٹس جاری کیے گئے۔ ڈائریکٹر آپریشنز شہزاد خان مگسی کے مطابق عوامی صحت کا تحفظ فوڈ اتھارٹی کی اولین ترجیح ہے،
شہری کسی بھی شکایت کی صورت میں ہیلپ لائن 1223 پر رابطہ کریں۔
