گوجرانوالہ (باغی ٹی وی نامہ نگار محمد رمضان نوشاہی)گوجرانوالہ پنجاب وشو ایسوسی ایشن اور پنجاب سپورٹس بورڈ کی زیرِ سرپرستی گوجرانوالہ ڈویژن اور ڈسٹرکٹ وشو باڈی کے انتخابات پرامن ماحول میں مکمل ہو گئے۔
تفصیلات کے مطابق انتخابات پنجاب سپورٹس بورڈ کی نگرانی میں منعقد ہوئے، جن میں DSO رانا سجاد، TSO فرمان اور پنجاب وشو ایسوسی ایشن کے پریزائیڈنگ آفیسر طارق (گجرات) نے ابزرور کی حیثیت سے شرکت کی۔
ڈسٹرکٹ وشو باڈی کے انتخابات میں عرفان لطیف چوہدری صدر، گلفام جنرل سیکریٹری، محمد طیب مہر اور نوید سہیل ایگزیکٹو ممبران و انچارج میڈیا سیل، جبکہ محمد شکیل ایڈووکیٹ فنانس سیکریٹری منتخب ہوئے۔
ڈویژنل باڈی میں چوہدری ذیشان الیاس صدر، عرفان لطیف چوہدری جنرل سیکریٹری، محمد طیب مہر اور نوید سہیل ایگزیکٹو ممبران و انچارج میڈیا سیل، جبکہ محمد ظفر فنانس سیکریٹری منتخب ہوئے۔
منتخب نمائندگان نے عزم ظاہر کیا کہ وہ گوجرانوالہ کو کھیلوں کے میدان میں دوبارہ اس کے کھوئے ہوئے مقام اور عروج پر لے جانے کے لیے ہر ممکن کوشش کریں گے۔
