قومی کرکٹ ٹیم کے آف اسپنر ساجد خان نے میڈیکل ٹیسٹ پاس کرلیا ہے، جس کے بعد وہ لاہور ٹیسٹ میں ٹیم کا حصہ بنیں گے۔
ذرائع کے مطابق بائیں ہاتھ کے اسپنر آصف آفریدی اب لاہور ٹیسٹ میں شرکت نہیں کریں گے۔ ٹیم مینجمنٹ نے ان کی جگہ ساجد خان کو شامل کرنے کا فیصلہ کیا ہے۔ رپورٹس کے مطابق لاہور ٹیسٹ کے لیے پاکستان کی حتمی 11 رکنی ٹیم طے کرلی گئی ہے۔ ٹیم میں شامل کھلاڑی یہ ہیں: شان مسعود (کپتان)، عبداللّٰہ شفیق، امام الحق، بابر اعظم، سعود شکیل، محمد رضوان (وکٹ کیپر)، سلمان علی آغا، شاہین شاہ آفریدی، حسن علی، نعمان علی اور ساجد خان۔
ذرائع کا کہنا ہے کہ ٹیم مینجمنٹ نے ساجد خان کی مکمل فٹنس رپورٹ موصول ہونے کے بعد انہیں کھیلنے کی اجازت دی۔ ساجد خان کو اسپن اٹیک مضبوط بنانے کے لیے میدان میں اتارنے کا فیصلہ کیا گیا ہے۔ واضح رہے کہ لاہور ٹیسٹ سیریز کا آخری میچ ہے، جس میں پاکستان اپنی حالیہ کارکردگی کو برقرار رکھتے ہوئے سیریز جیتنے کا عزم رکھتا ہے۔ ٹیم ذرائع کے مطابق کپتان شان مسعود اور کوچنگ اسٹاف نے تمام کھلاڑیوں کو فیلڈنگ اور بیٹنگ میں بہتری کی خصوصی ہدایات دی ہیں۔
وزیراعلیٰ خیبرپختونخوا انتخاب، پی ٹی آئی کا جے یو آئی سے رابطہ، حمایت کی درخواست
رجب بٹ نے فاطمہ خان کے الزامات مسترد کر دیے،مقدمےکا اعلان
