امریکی ریاست جنوبی کیرولینا میں فائرنگ کے ایک واقعے میں 4 افراد ہلاک اور 20 زخمی ہوگئے۔
برطانوی میڈیا کے مطابق فائرنگ کا واقعہ جزیرے سینٹ ہیلینا کے ایک بار میں پیش آیا۔ پولیس نے زخمیوں اور لاشوں کو اسپتال منتقل کردیا، جبکہ حکام کا کہنا ہے کہ چار زخمیوں کی حالت تشویشناک ہے اور ہلاکتوں میں اضافے کا خدشہ ہے۔ پولیس کے مطابق یہ واقعہ اتوار کی صبح ایک بجے کے قریب ’ویلیز بار اینڈ گرل‘ میں پیش آیا، جہاں فائرنگ کی اطلاع پر پولیس موقع پر پہنچی اور متعدد افراد کو گولیوں سے زخمی حالت میں پایا۔ بیوفورٹ کاؤنٹی شیرف آفس نے ایک بیان میں کہا ہے کہ واقعے کی تحقیقات جاری ہیں تاہم مزید تفصیلات فی الحال ظاہر نہیں کی جا رہیں۔ جاں بحق افراد کے نام بھی تاحال جاری نہیں کیے گئے کیونکہ ان کے اہل خانہ کو اطلاع دی جا رہی ہے۔
پولیس کے مطابق واقعے کے وقت ریسٹورنٹ میں سیکڑوں افراد موجود تھے۔ شیرف آفس نے اس واقعے کو ”انتہائی افسوسناک اور مشکل“ قرار دیا۔ واضح رہے کہ فائرنگ کا یہ واقعہ ایک ایسے علاقے میں پیش آیا ہے جو افریقی غلاموں کی اولادوں پر مشتمل گلہ گیچی ثقافت کا مرکز سمجھا جاتا ہے، جبکہ مذکورہ ریسٹورنٹ اپنے روایتی گلہ کھانوں کے باعث مشہور ہے۔
شہباز شریف سے محسن نقوی کی ملاقات، امن و امان کی صورتحال پر غور
بابر اعظم کےٹیسٹ چیمپئن شپ میں 3 ہزار رنز ،پہلے ایشیائی بلے باز بن گئے
سرحد کو خودمختار ریاست کی طرح ٹریٹ، امیگریشن لازمی ہونی چاہیے،خواجہ آصف
ارشد ندیم کے کوچ سلمان بٹ پر تاحیات پابندی لگ گئی
