خیبرپختونخوا کے ضلع کرم میں کوئلے کی کان بیٹھ جانے سے 5 مزدور جاں بحق جبکہ 3 مزدور تاحال لاپتہ ہیں۔
واقعہ یاستہ طورہ واڑی کے علاقے میں پیش آیا جہاں مزدور کان کے اندر کام میں مصروف تھے کہ اچانک کان کا ایک حصہ بیٹھ گیا۔ ملبے تلے دبے 6 کان کنوں میں سے ایک کو زندہ نکال لیا گیا، جب کہ 5 مزدوروں کی موت کی تصدیق ہو چکی ہے۔ جاں بحق مزدوروں کا تعلق شانگلہ سے بتایا گیا ہے، جن میں تاج اللہ، زیورالرحمان، شوکت، ناز اللہ اور جان محمد شامل ہیں۔ ریسکیو ٹیموں نے امدادی کارروائیاں شروع کر دی ہیں۔ اب تک 2 لاشیں نکالی جا چکی ہیں جبکہ 3 مزدوروں کی تلاش کے لیے بھاری مشینری کی مدد سے کارروائیاں جاری ہیں۔
ابتدائی معلومات کے مطابق حادثہ زمین کھسکنے کے باعث پیش آیا۔ انتظامیہ نے علاقے کو گھیرے میں لے کر مزید نقصان سے بچنے کے لیے احتیاطی اقدامات کیے ہیں۔
پیر کی صبح سے اسرائیلی یرغمالیوں کی رہائی کا عمل شروع ہوگا،حماس
غزہ میں تباہی کے مناظر، ہزاروں بے گھر فلسطینی اپنے اجڑے علاقوں کو لوٹنے لگے
بھارتی خاتون پائلٹ شیوانگی سنگھ کی نئی تصویر سامنے آگئی
بھارتی خاتون پائلٹ شیوانگی سنگھ کی نئی تصویر سامنے آگئی
