لاہور میں سکیورٹی خدشات کے پیش نظر اندرون شہر اور داخلی وخارجی راستے بند ہیں۔
نجی ٹی وی کے مطابق لاہور شہر میں سکیورٹی خدشات اور جاری ہنگامی صورتحال کے باعث شہر کی بیشتر اندرونی سڑکیں بند ہیں جب کہ دوسرے شہروں کو جانے اور وہاں سے آنے والے تمام موٹروے کے داخلی و خارجی راستے بھی بند ہیں،ذرائع کے مطابق کسی ناخوشگوار واقعے کے خدشے کے پیش نظر میٹرو بس سروس بھی جزوی طور پر معطل کردی گئی ہے۔
لاہور میں مختلف مقامات سے روڈز کو ٹریفک کے لیئے بند کر دیا گیا ہے،سکیم موڑ،یتیم خانہ پہلے ہی بند تھے، لاہور سے اسلام آباد موٹروے دونوں اطراف سے بندکر دی گئی،لاہور سےعبدالحکیم موٹروے دونوں اطراف سے بندکر دی گئی،لاہور سے سیالکوٹ موٹروے دونوں اطراف سے بندکر دی گئی،ٹھوکر سے بابو صابو موٹروے دونوں اطراف سے بند ہیں،کرول گھاٹی سے رنگ روڈ بندہے،داروغہ والا سے سلامت پورہ دونوں اطراف سے بندہے،للیانی دونوں اطراف سے بندہے، مختلف مقامات پر مشتعل مظاہرین نے گاڑیوں کو نذر آتش کر کے روڈ بلاک کیا ہے
ذرائع کا کہنا ہےکہ شہر کے اندرونی راستے بند ہونے سے شہریوں کو شدید پریشانی کا سامنا ہے، دفاتر جانے والے شہریوں کے ساتھ ایمبولینسز کو بھی اسپتال پہنچنے میں دشواری کا سامنا ہے جب کہ چنگی امر سدھو فیروز پور روڈ بھی ٹریفک کے لیے بند ہے۔فیروزپور روڈ پر شہری کی میت لے جانے والی ایمبولینس بھی راستہ بند ہونے کے باعث پھنس گئی۔
