ناردرن بائی پاس کے قریب افغان کیمپ کی خالی زمین پر لینڈ مافیا کے قبضے کا خدشہ ظاہر کیا گیا ہے، اس حوالے سے ڈپٹی انسپکٹر جنرل (ڈی آئی جی) ایسٹ عرفان بلوچ نے پولیس چیف کو باضابطہ خط لکھ دیا ہے۔
ڈی آئی جی ایسٹ کے خط میں کہا گیا ہے کہ افغان کیمپ کی خالی زمین سے متعلق ملیر ڈیولپمنٹ اتھارٹی (ایم ڈی اے)، ڈپٹی کمشنر اور پولیس افسران پر مشتمل ایک کمیٹی تشکیل دی جائے تاکہ زمین کے تحفظ کو یقینی بنایا جا سکے۔عرفان بلوچ نے سفارش کی ہے کہ افغان کیمپ کی زمین کا تفصیلی سروے کر کے اراضی ایم ڈی اے کے قبضے میں لی جائے۔
خط میں بتایا گیا کہ افغان کیمپ میں 3 ہزار سے زائد گھروں میں تقریباً 15 ہزار افغان باشندے مقیم تھے، جن میں سے بیشتر اپنے وطن واپس جا چکے ہیں، تاہم ڈیڑھ ہزار افراد تاحال وہاں رہائش پذیر ہیں۔ڈی آئی جی ایسٹ نے مزید تجویز دی ہے کہ خالی گھروں اور زمین کو لینڈ کنٹرول اتھارٹی اپنے قبضے میں لے تاکہ کسی بھی ممکنہ غیر قانونی قبضے کو روکا جاسکے.
کرم سیکٹر میں افغان طالبان کی متعدد پوسٹیں اور ٹینک تباہ، اہم کمانڈر ہلاک
سوات اور گردونواح میں زلزلے کے جھٹکے، شدت 4.4 ریکارڈ
منی لانڈرنگ،غیرقانونی سرگرمیاں،ایف آئی اے کا تحریک لبیک کیخلاف کاروائی کا آغاز
