اسرائیل نے ایک بار پھر جنگ بندی معاہدے کی خلاف ورزی کرتے ہوئے غزہ کے علاقے الزیتون میں فضائی حملہ کیا، جس کے نتیجے میں 9 فلسطینی شہری شہید ہو گئے۔
عرب میڈیا کے مطابق اسرائیلی جنگی طیارے نے ایک گاڑی کو نشانہ بنایا، جس میں موجود تمام افراد موقع پر ہی جاں بحق ہو گئے۔ حملے کے بعد علاقے میں خوف و ہراس پھیل گیا۔رپورٹس کے مطابق واقعہ ایسے وقت میں پیش آیا جب جنگ بندی کے باوجود اسرائیلی فوج کی کارروائیاں جاری ہیں، جس سے خطے میں تناؤ میں مزید اضافہ ہو گیا ہے۔
حماس کی جنگ بندی کے باوجود اسرائیلی جارحیت کی شدید مذمت
فلسطینی مزاحمتی تنظیم حماس نے اسرائیلی جارحیت کی شدید مذمت کرتے ہوئے کہا کہ یہ حملہ واضح طور پر ثابت کرتا ہے کہ صیہونی فوج جان بوجھ کر نہتے شہریوں کو نشانہ بنا رہی ہے۔
حماس کے ترجمان نے کہا کہ یہ کارروائی مصر میں طے پانے والے جنگ بندی معاہدے کی کھلی خلاف ورزی ہے اور عالمی برادری سے مطالبہ کیا کہ وہ اس انسانیت سوز واقعے کا فوری نوٹس لے۔دوسری جانب انسانی حقوق کی تنظیموں نے بھی اس فضائی حملے کو انسانیت کے خلاف جرم قرار دیتے ہوئے کہا کہ اسرائیلی فوج نے ایک بار پھر امن اور انسانی اصولوں کی سنگین پامالی کی ہے
حرمین شریفین،ایک ہفتے میں ایک کروڑ 35 لاکھ سے زائد زائرین کی آمد
پاکستان نے آئی سی سی کا متعصب اور بے بنیاد بیان مسترد کر دیا
امریکا میں ’نو کنگز‘ تحریک کے تحت صدر ٹرمپ کے خلاف ملک گیر احتجاج
