مرکزی مسلم لیگ کے تحت 2 نومبر کو مینارِ پاکستان پر منعقد ہونے والے ورکرز کنونشن کی تیاریاں زور و شور سے جاری ہیں۔ لاہور، اسلام آباد، سرگودھا، ننکانہ، بدین، خوشاب، ملتان، فیصل آباد،بہاولپور اور دیگر شہروں میں تنظیمی اجلاس منعقد ہوئے ،
مینار پاکستان ورکرز کنونشن کی تیاریوں کے سلسلہ میں منعقدہ اجلاسوں سے خطاب کرتے ہوئےمرکزی مسلم لیگ کے رہنماؤں کا کہنا ہے کہ دو نومبر کو مینار پاکستان ورکرز کنونشن نظریہ پاکستان کے تحفظ، نوجوانوں کی رہنمائی اور دہشت گردی کے خلاف اتحاد کا عملی مظہر ہوگا، قاری یعقوب شیخ نے لاہور،حافظ مسعود کمال،محمد سرور چوہدری نے سرگودھا،خوشاب، فیصل ندیم نے بدین،حمید الحسن نے ننکانہ،عمران لیاقت بھٹی نے بہاولپور،انعام الرحمان نے اسلام آباد ،محمد احسن تارڑ نے فیصل آباد و دیگر قائدین نے ورکرز کنونشن کی کامیابی کے لئے کارکنان کو منظم مہم چلانے کی ہدایت کی،مرکزی مسلم لیگ کے رہنماؤں کا کہنا تھا کہ مینار پاکستان ورکرز کنونشن نظریہ پاکستان کے تحفظ کیلئے معاون ثابت ہو گا،امت مسلمہ کو ایک قوم اور ایک ملت بن کر کھڑا ہونا ہو گا،دہشتگردی کے خلاف جنگ اور دشمنوں کی سازشوں کو ناکام بنانے کے لئے مرکزی مسلم لیگ متحرک ہے،بے روزگاری کے خاتمے کے لئے نوجوانوں کو ہنر مند بنائیں گے،ورکرز کنونشن میں لاکھوں کارکنان شریک ہو کر خدمت کی سیاست کے عزم کو اجاگر کریں گے
