وزیراعظم شہباز شریف سے وفاقی وزیرِ داخلہ محسن نقوی نے ملاقات کی جس میں ملک میں امن و امان کی مجموعی صورتحال پر تفصیلی بریفنگ دی گئی۔
وزیراعظم ہاؤس سے جاری بیان کے مطابق، ملاقات میں اسلام آباد میں جاری ترقیاتی منصوبوں پر بھی گفتگو ہوئی اور وزیراعظم کو ان کی پیش رفت سے آگاہ کیا گیا۔یہ ملاقات ایسے موقع پر ہوئی جب ایک ہفتہ قبل دونوں رہنماؤں کی ٹی ایل پی کے مریدکے احتجاجی کیمپ کے خاتمے سے قبل ملاقات ہوئی تھی۔ ٹی ایل پی نے اسلام آباد کی جانب مارچ اور امریکی سفارتخانے کے باہر "غزہ کے ساتھ اظہارِ یکجہتی” کے مظاہرے کا اعلان کیا تھا۔گزشتہ ملاقات میں بھی محسن نقوی نے وزیراعظم کو ملک بھر میں امن و امان کی صورتحال سے آگاہ کیا تھا اور وزارتِ داخلہ کی جانب سے داخلی سلامتی کے اقدامات پر بریفنگ دی تھی۔
وزیراعظم شہباز شریف نے وزیرداخلہ اور ان کی ٹیم کی کوششوں کو سراہتے ہوئے ہدایت دی کہ شہریوں کے جان و مال کے تحفظ کے لیے مربوط اور مؤثر اقدامات جاری رکھے جائیں۔انہوں نے کہا کہ عوام کا تحفظ، قانون کی بالادستی اور دہشت گردی کا خاتمہ حکومت کی اولین ترجیحات میں شامل ہیں
آئی سی سی کی جانبداری،بھارتی اثرورسوخ پر سوالات،شائقینِ کرکٹ کی تشویش
