ننکانہ صاحب(باغی ٹی وی، نامہ نگار احسان اللہ ایاز)ننکانہ صاحب میں چیمبر آف ایجوکیشن کی جانب سے ایک شاندار تقریب منعقد کی گئی جس میں مس عمارہ کو اسٹار ٹیچر ایوارڈ سے نوازا گیا۔
تقریب کے مہمانِ خصوصی رکن پنجاب اسمبلی مہر کاشف رنگ الہی پڈھیار، ڈپٹی کمشنر محمد تسلیم اختر راؤ اور سی ای او ایجوکیشن شازیہ بانو تھے۔
تقریب میں چیمبر آف ایجوکیشن کے سرپرستِ اعلیٰ چوہدری نصیب الہیٰ گوجر، صدر ذیشان سرور، سینئر نائب صدر رضوان صادق، نائب صدور ولید چیمہ اور عمران اسلام، جنرل سیکرٹری ملک عتیق، انفارمیشن سیکرٹری رحمان یوسف سمیت اساتذہ، تعلیمی اداروں کے سربراہان اور محکمہ تعلیم کے افسران نے شرکت کی۔
اس موقع پر مقررین نے کہا کہ اساتذہ ملک و قوم کی بنیاد ہیں، اگر وہ ایمانداری سے فرائض انجام دیں تو ملک کی تقدیر بدل سکتی ہے۔
مہمانِ خصوصی ڈپٹی کمشنر محمد تسلیم اختر راؤ نے کہا کہ ضلع ننکانہ صاحب میں آئندہ دو سال کے دوران شرح خواندگی سو فیصد کرنے کا ہدف مقرر کیا گیا ہے، جس میں نجی تعلیمی ادارے اہم کردار ادا کر رہے ہیں۔
تقریب کے اختتام پر ننکانہ چیمبر آف ایجوکیشن کے نومنتخب عہدیداران نے اپنے عہدوں کا حلف اٹھایا۔
ڈسٹرکٹ ایجوکیشن آفیسر (سیکنڈری) شہباز احمد نے نومنتخب عہدیداران سے حلف لیا اور نیک تمناؤں کا اظہار کیا۔
