غزہ میں جنگ بندی برقرار رکھنے کے لیے مصر کے دارالحکومت قاہرہ میں آج حماس اور ثالث ممالک کے درمیان اہم ملاقات ہو گی۔
ذرائع کے مطابق حماس کا وفد جنگ بندی کے تسلسل پر بات چیت کے لیے قاہرہ میں قطری اور مصری حکام سے ملاقات کر رہا ہے۔وفد کی قیادت حماس کے رہنما خلیل الحیہ کر رہے ہیں، جو اتوار کو اسرائیلی فضائی حملوں میں درجنوں فلسطینیوں کی شہادت کے معاملے پر بھی گفتگو کریں گے۔ذرائع کا کہنا ہے کہ حماس کا وفد فلسطینی دھڑوں کے درمیان متوقع مفاہمتی مذاکرات پر بھی مصری حکام سے بات کرے گا۔
ان مذاکرات کا مقصد فلسطینی جماعتوں میں اتحاد پیدا کرنا، غزہ کے مستقبل پر تبادلہ خیال کرنا اور ایک آزاد ماہرین کمیٹی کی تشکیل ہے جو غزہ کے انتظامی امور سنبھالے گی۔ذرائع کے مطابق مصری اور قطری ثالثوں کی کوششوں سے گزشتہ رات غزہ میں مکمل جنگ بندی دوبارہ بحال ہو گئی
طورخم تجارتی گزرگاہ نویں روز بھی بند، دوطرفہ تجارت معطل
افغان طالبان کے خلاف حالیہ جنگ اسلامی تعلیمات کے تناظر میں
