انسدادد دہشتگرد ی عدالت نے 26نومبراحتجاج کیس میں عدم پیشی پر علیمہ خان کے ناقابل ضمانت وارنٹ گرفتاری جاری کردیئے،ضامن کے ایک لاکھ روپے کے مچلکے ضبط کرلئے جبکہ بوگس رپورٹ دینے پر پولیس افسران کو توہین عدالت کا نوٹس جاری کردیا۔
انسداد دہشتگردی عدالت میں 26نومبر احتجاج کیس کی سماعت ہوئی،علیمہ خان پیش نہ ہوئیں ، عدالت نے ضامن کے ایک لاکھ روپے کے مچلکے ضبط کر لئے،عدالت نے نوٹس جاری کرکے ضامن سے 24اکتوبر تک جواب طلب کرلیا اور علیمہ خان کے ناقابل ضمانت وارنٹ گرفتاری جاری کردیئے،علیمہ خان کو نیا ضمانتی مچلکہ جمع کرانے کی ہدایت کردی گئی، دوسری جانب جعلی رپورٹ دینے پر ایس پی محمد سعد اور ڈی ایس پی وارث خان کو توہین عدالت کا نوٹس جاری کر دیا گیا،عدالت نے کہاکہ پولیس افسران نے علیمہ خان سے متعلق بوگس رپورٹ جمع کرائی،بتایاگیا علیمہ خان روپوش ہو گئیں جبکہ گزشتہ شام وہ اڈیالہ جیل کے باہر موجود تھیں۔
