بہاولنگر (باغی ٹی وی، نامہ نگار محمد عرفان) وزیراعلیٰ پنجاب مریم نواز شریف نے عوام کے لیے ایک اور سہولت فراہم کرتے ہوئے بہاولنگر میں الیکٹریکل بس سروس کا آغاز کر دیا۔ یہ جدید، ماحول دوست اور آرام دہ بسیں شہریوں کو کم خرچ اور بہتر سفری سہولت فراہم کریں گی۔
عوام نے وزیراعلیٰ مریم نواز کے اس اقدام کو خوش آئند قرار دیتے ہوئے کہا کہ الیکٹریکل بس سروس کے آغاز سے نہ صرف شہریوں کے سفر میں آسانی پیدا ہوگی بلکہ ماحولیاتی آلودگی میں بھی نمایاں کمی آئے گی۔ شہریوں نے وزیراعلیٰ پنجاب کا شکریہ ادا کرتے ہوئے اسے ضلع بہاولنگر کے لیے ایک انقلابی قدم قرار دیا۔
