بلوچستان کے ضلع مستونگ کی تحصیل دشت میں نامعلوم مسلح افراد نے 9 مزدوروں کو اغوا کر لیا۔
لیویز ذرائع کے مطابق مزدور ایک زیرِ تعمیر عمارت پر کام کر رہے تھے اور واپسی پر پک اپ سمیت اغوا کر لیے گئے۔ حملہ آوروں نے کچھ فاصلے پر جا کر گاڑی کے ڈرائیور کو چھوڑ دیا، جبکہ مزدوروں کو اپنے ساتھ لے گئے۔اغوا ہونے والے مزدوروں کا تعلق پنجاب اور سندھ کے مختلف علاقوں سے بتایا گیا ہے۔ واقعے کی اطلاع ملنے پر لیویز فورس اور دیگر قانون نافذ کرنے والے اداروں نے علاقے کو گھیرے میں لے کر سرچ آپریشن شروع کر دیا۔
انتظامیہ کا کہنا ہے کہ مزدوروں کی بازیابی کے لیے تمام وسائل بروئے کار لائے جا رہے ہیں، تاہم تاحال کسی گروہ نے واقعے کی ذمہ داری قبول نہیں کی.
افغانستان میں پھنسے 5 ہزار پاکستانی تاحال واپسی کے منتظر
تیونس کے ساحل پر کشتی ڈوبنے سے 40 تارکین وطن ہلاک
پی ٹی آئی رہنما شاندانہ گلزار کے خلاف ریاست مخالف مواد پھیلانے پر مقدمہ درج
پنجاب میں امن و امان کے لیے سخت اقدامات، لاؤڈ اسپیکر ایکٹ سمیت کئی فیصلے
