راولپنڈی پولیس کی اشتہاریوں کے خلاف اہم کارروائی،دو سال قبل غیرت کے نام پر 19سالہ لڑکی کو قتل کرنے والا اشتہاری گرفتارکر لیا گیا
جاتلی کے علاقہ میں اشتہاری نے پسند کی شادی کرنے پر اپنی بھتیجی کو فائرنگ کرکے قتل کردیاتھا،مقتولہ نے پسند کی شادی کی تھی جس کا اسکی فیملی کو رنج تھا،مقتولہ کو راضی نامہ کے بعد گھر بلا کر قتل کیا گیا، اشتہاری قتل کی واردات کے بعد روپوش ہو گیا تھا جس کی گرفتاری کے لئے سی پی او سید خالد ہمدانی کی ہدایات پر خصوصی ٹیمیں تشکیل دی گئیں تھیں،جاتلی پولیس اور خصوصی ٹیم نے ٹیکنیکل وہیومین انٹیلی جنس ذرائع بروئے کار لاتے ہوئے اشتہاری کو گرفتارکیا،
سنگین مقدمہ میں مطلوب اشتہاری کی گرفتاری پر سی پی او سید خالد ہمدانی نے ایس پی صدر، ایس ڈی پی او گوجرخان اور ٹیموں کو شاباش دی اور کہا کہ زیرحراست اشتہاری کو ٹھوس شواہد کے ساتھ چالان عدالت کرکے قرار واقعی سزا دلوائی جائے گی،خواتین کے خلاف جرائم ناقابل برداشت ہیں، ملزمان قانون کی گرفت سے نہیں بچ سکتے۔
