سکھر ملتان موٹروے (ایم فائیو) پر اغوا کی بڑھتی ہوئی وارداتوں کے باعث مسافر گاڑیوں کو 25 کلومیٹر کے حصے، اعظم پور ریسٹ ایریا سے گڈو کشمور انٹرچینج تک، کچے کے علاقے میں پولیس سیکیورٹی فراہم کی جانے لگی۔
ڈی پی او کے مطابق مسافر گاڑیوں کو شام 6 بجے سے رات گئے تک ہر گھنٹے بعد کانوائے کی صورت میں اعظم پور ریسٹ ایریا سے روانہ کیا جاتا ہے۔ پولیس کانوائے بھونگ، جمال دین والی، صادق آباد اور ماچھکہ تک کے علاقے کو کور کرتا ہے۔ڈاکوؤں کی فائرنگ اور مسافروں کے اغوا کے بعد یہ حفاظتی اقدام شروع کیا گیا ہے۔دلچسپ امر یہ ہے کہ جہاں رات گئے پنجاب پولیس کا کانوائے سندھ کی حدود میں مسافروں کو چھوڑتا ہے، وہاں سے سندھ پولیس کی جانب سے مزید کانوائے کی فراہمی نہیں کی جاتی۔
ایس ایس پی انور کھتران کے مطابق سندھ کی حدود میں داخلے کے بعد گھوٹکی سے سکھر موٹروے تک سفر محفوظ ہے، گڈو انٹرچینج سے سکھر تک پولیس اور رینجرز کا مشترکہ گشت جاری رہتا ہے.
جنگ بندی کے باوجود فلسطینی بھوک، پیاس اور پناہ کے لیے ترسنے لگے
کے ڈی اے میں 11 ارب 33 کروڑ کے ٹھیکے بغیر ٹینڈر دیے جانے کا انکشاف
گھوٹکی: معمولی جھگڑے میں داؤدپوٹو برادری کا نوجوان شدید زخمی، ملزمان فرار
