پاکستان کرکٹ بورڈ نے پی ایس ایل ٹیم ملتان سلطانز سے متعلق متبادل پلان تیار کرلیا۔ ملتان سے معاملات طے نہ ہوئے تو فرنچائز کو فروخت کردیا جائے گا۔ پی سی بی نے بعض سرمایہ داروں سے بھی رابطہ کیا ہے۔
پاکستان کرکٹ بورڈ نے رولز کی خلاف ورزی پر ملتان سلطانز کو نوٹس بھیجا تھا تاہم فرنچائز کے مالک علی ترین نے نوٹس کی کاپی پھاڑ دی تھی، جس کی ویڈیو بھی شیئر کی گئی۔ذرائع کے مطابق پی سی بی نے ملتان سلطانز سے متعلق متبادل پلان تیار کرلیا، پاکستان کرکٹ بورڈ اور سلطانز کے معاملات طے نہ ہوئے تو فرنچائز فروخت کی جائے گی، سلطانز کی رکنیت ختم ہوئی تو نیا مالک جلد فائنل کیا جائے گا۔ذرائع کا کہنا ہے کہ پی سی بی کا بعض سرمایہ کاروں سے رابطہ ہوا ہے، بعض سرمایہ داروں نے ملتان سلطانز خریدنے میں دلچسپی کا اظہار بھی کردیا۔
