ملک کے سب سے بڑے شہر کراچی کا فضائی معیار خطرناک حد تک خراب ہو گیا ہے، اور شہر کا شمار دنیا کے آلودہ ترین شہروں میں تیسرے نمبر پر کیا جا رہا ہے۔
ایئر کوالٹی انڈیکس (اے کیو آئی) کے تازہ اعداد و شمار کے مطابق کراچی میں فضائی آلودگی کی سطح 260 پرٹیکیولیٹ میٹر تک پہنچ گئی ہے، جو انسانی صحت کے لیے انتہائی مضر قرار دی جاتی ہے۔ماہرین کے مطابق اے کیو آئی کے پیمانے پر 150 سے 200 پرٹیکیولیٹ میٹر تک آلودگی کو ’’مضرِ صحت‘‘، 200 سے 300 کو ’’شدید مضرِ صحت‘‘ اور 300 سے زائد کو ’’انتہائی خطرناک‘‘ تصور کیا جاتا ہے۔
ماحولیاتی ماہرین نے شہریوں کو مشورہ دیا ہے کہ وہ غیر ضروری طور پر کھلی فضا میں جانے سے گریز کریں، ماسک کا استعمال کریں اور گھروں کے اندر ہوا صاف رکھنے کے لیے ایئر پیوریفائرز کا استعمال یقینی بنائیں۔ادھر شہریوں نے شکایت کی ہے کہ صنعتی دھوئیں، کچرا جلانے اور گاڑیوں کے دھوئیں نے شہر کی فضا کو مزید آلودہ کر دیا ہے، جبکہ مؤثر اقدامات نہ ہونے کے باعث صورتِ حال بدتر ہوتی جا رہی ہے
اسرائیلی ڈرون حملہ: جنوبی لبنان میں حزب اللہ کمانڈر سمیت دو افراد شہید
25 اکتوبر سے غیر تصدیق شدہ ڈیجیٹل اکاؤنٹس معطل ہونے کا امکان
خواتین ورلڈ کپ: پاکستان اور سری لنکا کا میچ بارش کی نذر
