پشاور میں وزیرِ اعلیٰ خیبر پختونخوا سہیل آفریدی سے پاکستان تحریکِ انصاف (پی ٹی آئی) کی قیادت نے ملاقات کی، جس میں بانیٔ پی ٹی آئی عمران خان سے ملاقات کے بعد صوبائی کابینہ تشکیل دینے پر اتفاق کیا گیا۔
ملاقات میں بیرسٹر گوہر علی، اسد قیصر، جنید اکبر، شہرام ترکئی اور عاطف خان شریک تھے۔ اجلاس کے آغاز میں ہنگو میں شہید پولیس اہلکاروں کے لیے فاتحہ خوانی کی گئی، جبکہ صوبے میں دہشت گردی اور امن و امان کی صورتِ حال پر تفصیلی گفتگو ہوئی۔ذرائع کے مطابق، رہنماؤں نے مؤقف اختیار کیا کہ عمران خان کی مشاورت کے بغیر کابینہ کی تشکیل مسائل پیدا کر سکتی ہے۔
چیئرمین پی ٹی آئی بیرسٹر گوہر علی نے بتایا کہ وزیرِ اعلیٰ سے ملاقات دو گھنٹے سے زائد جاری رہی، جس میں دہشت گردی، سیاسی صورتحال اور عمران خان کی رہائی کے مختلف آپشنز پر بھی غور کیا گیا۔
دوطرفہ تعلقات میں پیش رفت،پاکستانی ہائی کمشنر کی بنگلہ دیشی مشیر خارجہ سے ملاقات
پاکستان اور افغان طالبان کے درمیان مذاکرات کا دوسرا دور استنبول میں جاری
ٹی ایل پی کو مسلم لیگ (ن) کا ووٹ بینک چھیننے کے لیے بنایا گیا تھا،رانا ثناءاللہ
