لاہور:ملکی تاریخ میں پہلی مرتبہ پنجاب کی 65ہزار مساجد کے اماموں کیلئے وزیراعلیٰ کی جانب سے وظیفہ مقرر کرنے کا فیصلہ کیا گیا ہے، وزیراعلیٰ پنجاب مریم نواز کا کہنا ہے کہ محلے میں چندہ اکٹھا کرکے امام مسجد کو ادائیگی غیر مناسب امر ہے،
پنجاب میں امن و امان پر مسلسل پانچواں اجلاس ہوا،جس کی صدارت وزیراعلیٰ پنجاب مریم نواز نے کی، اجاس میں 65 ہزار مساجد کے اماموں کے لیے وظیفہ مقرر کرنے کا فیصلہ کیا گیا،پنجاب بھر میں تمام مساجد میں نماز جمعہ اور دیگر نمازیں با جماعت اداکی جارہی ہیں۔وزیراعلیٰ پنجاب کا کہنا ہے کہ حکومت پنجاب ضروریات کے لئے امام مسجد کی معاشی معاونت کرے گی۔ مساجد کی تعمیر و مرمت کے پراجیکٹس سالانہ ترقیاتی پروگرام میں شامل ہوں گے،وزیراعلیٰ مریم نواز شریف نے مساجد کی تعمیر و مرمت کے پراجیکٹ کی جلد تکمیل کے لئے اقدامات کی ہدایت کی،
وزیراعلیٰ مریم نواز شریف کی ہدایت پر اجتماع کے لئے رائے ونڈ کی رابطہ سڑکوں کی تعمیر و مرمت مکمل کر لی گئی،رائے ونڈ کی سڑکوں پر گڑھے بھی مرمت کرکے پر کردئیے گئے، رائے ونڈ تبلیغی اجتماع کے لئے خصوصی بسیں بھی چلائی جائیگی وزیراعلیٰ مریم نواز شریف کی ہدایت پر رائے ونڈ اجتماع کے لئے سیکورٹی کے فول پروف انتظامات ہوں گے،
وزیراعلیٰ مریم نواز شریف نے ڈپٹی کمشنر، اسسٹنٹ کمشنر ز کو آئمہ کرام کے پاس خود جانے کی ہدایت کر دی،پنجاب میں سائبر کرائم سیل تشکیل دینے کا اصولی فیصلہ کیا گیا،لاؤڈ سپیکر کے غیر قانونی استعمال پر کارروائی یقینی بنانے کی ہدایت کی گئی،مذہبی حلقوں کی جانب سے حکومت کے اقدامات کی تحسین کی گئی
