مظفرآباد، وزیر اعظم آزاد کشمیر انوار الحق نے آزاد کشمیر کے پندرہ ہزار 43 اساتذہ کا سولہ برس سے جاری مطالبہ منظور کرتے ہوئے، ان کا سکیل 11سے 14 کردیا۔ اسکیل اپ گریڈیشن سے قومی خزانے پر 82 کروڑ کا بوجھ پڑے گا۔
صدر ٹیچرز آرگنائزیشن آزاد کشمیر تاصف شاہین کے مطابق اساتذہ آزاد کشمیر کا سولہ سالہ دیرینہ مطالبہ سکیل اپگریڈیشن پورا ہوا۔ ہم نے چار سالہ جدوجہد کے بعد اساتذہ آزاد کشمیر کو اُن کا حق دلوایا۔ ایلمنٹری اساتذہ آزاد کشمیر کو بی 11 سے بی 14 میں اپگریڈ کیاگیا ہے انہوں نے اپگریڈیشن کا نوٹیفکیشن جاری کرنے پر وزیراعظم انوار الحق وزیر تعلیم دیوان علی خان چغتائی اور دیگر کابینہ ممبران کا شکریہ ادا کیا.
