بہاولنگر( باغی ٹی وی، محمد عرفان نامہ نگار)بہاولنگر اور گرد و نواح میں غیر قانونی رہائش پذیر افغان باشندوں کے خلاف گھیرا مزید تنگ کر دیا گیا۔ پابندی کے باوجود افغان باشندوں کو مکانات، رہائش اور دکانیں کرایہ پر دینے والوں کے خلاف سخت کارروائی کا آغاز کر دیا گیا ہے۔
پولیس ترجمان کے مطابق غیر قانونی مقیم افغانوں اور ویزہ کی خلاف ورزی پر 11 افغانیوں کے خلاف مقدمات درج کر لیے گئے۔ اس کے علاوہ افغانوں کو مکانات اور دکانیں کرایہ پر دینے پر 8 الگ الگ مقدمات درج کیے گئے۔ یہ مقدمات تھانہ سٹی بی ڈویژن بہاولنگر، سٹی اے اور بی ڈویژن چشتیاں، سٹی ہارون آباد اور فورٹ عباس کی حدود میں درج کیے گئے۔
پولیس نے غیر قانونی افغان باشندوں اور انہیں رہائش اور دکانیں مہیا کرنے والوں کو تحویل میں لے لیا ہے۔
ڈی پی او بہاولنگر کامران اصغر نے کہا کہ عوام کی جان و مال کا تحفظ پولیس کی اولین ترجیح ہے۔
