ننکانہ صاحب(احسان اللہ ایاز کی رپورٹ) بابا گورونانک کے جنم دن کی تقریبات کے سلسلے میں صوبائی وزراء اور اعلیٰ افسران کا دورہ۔ تقریبات 3 سے 6 نومبر تک جاری رہیں گی، جن میں 30 ہزار کے قریب سکھ یاتری شرکت کریں گے۔
صوبائی وزراء خواجہ سلمان رفیق، سردار رمیش سنگھ اروڑ، سیکرٹری ہوم ڈاکٹر احمد جاوید قاضی، کمشنر لاہور مریم خان اور آر پی او اطہر اسماعیل نے شرکت کی۔
ڈپٹی کمشنر محمد تسلیم اختر اور ڈی پی او فراز احمد نے انتظامات پر بریفنگ دی۔ 5 ہزار سے زائد اہلکار یاتریوں کی خدمت پر مامور، 3 کنٹرول رومز اور سی سی ٹی وی کیمرے نصب۔ گوردوارہ جات میں ہسپتال، فسیلیٹیشن ڈیسک، اور رہائش و سکیورٹی کے فول پروف انتظامات مکمل۔
تقریبات کا آغاز اکھنڈ پاٹ کی رسم سے، مرکزی تقریب 5 نومبر کو گوردوارہ جنم استھان میں ہوگی۔ بھارت سے 2100 سکھ یاتری واہگہ بارڈر کے ذریعے شرکت کریں گے۔
