فرانس میں افغانستان سے تعلق رکھنے والے 20 سالہ شخص کو داعش (اسلامک اسٹیٹ) کے ذیلی گروہ داعش خراساں سے تعلق کے شبہے میں گرفتار کر لیا گیا۔
خبر رساں ادارے ’اے ایف پی‘ کے مطابق انسدادِ دہشت گردی پراسیکیوٹر کے دفتر نے بتایا کہ گرفتار شخص پر دہشت گرد تنظیم میں شمولیت اور دہشت گردی کی مالی معاونت کے الزامات عائد کیے گئے ہیں۔ مشتبہ شخص کو گزشتہ ہفتے لیون شہر سے گرفتار کیا گیا تھا اور اسے عدالتی تحویل میں رکھا گیا ہے۔انسدادِ دہشت گردی یونٹ کے مطابق ملزم پر شبہ ہے کہ وہ داعش خراساں سے رابطے میں تھا، تنظیم کی تشہیری مہم میں مدد فراہم کرتا تھا، رقوم بھیجتا تھا اور پیغامات کا ترجمہ و ترسیل بھی کرتا تھا۔
داعش خراساں افغانستان میں سرگرم داعش کا ذیلی گروہ ہے جو ازبکستان سمیت وسطی ایشیائی ریاستوں میں بھی کارروائیاں کرتا ہے۔ یہ گروہ مارچ 2024 میں ماسکو کے کنسرٹ ہال پر حملے سمیت متعدد خونریز واقعات کا ذمہ دار ہے، جن میں 150 افراد ہلاک ہوئے تھے۔فرانسیسی روزنامہ ’لو پریزیاں‘ کے مطابق مذکورہ افغان شہری چند برس قبل فرانس آیا تھا۔ اسے فرانس کی انٹیلیجنس ایجنسی ڈی جی ایس آئی کے اہلکاروں نے لیون کے ایک حراستی مرکز سے گرفتار کیا۔
رپورٹ کے مطابق مشتبہ شخص پہلے ہی انتہا پسند نظریات کے فروغ کے الزام میں زیرِ تفتیش تھا اور وہ ٹک ٹاک اور سنیپ چیٹ پر شدت پسندانہ مواد کی تدوین اور تشہیر میں ملوث تھا
کراچی: حساس اداروں کی کارروائی،2 دہشت گرد گرفتار
ایران کا امریکا کو دوٹوک جواب، یورینیم افزودگی پر مذاکرات نہیں ہوسکتے
پاکستان میں تین نئی بندرگاہوں اور جدید میری ٹائم کمپلیکس کے قیام کا اعلان
