صحافی اور پالیسی ماہر مشرف زیدی کو وزیر اعظم شہباز شریف کا غیر ملکی میڈیا کے لیے ترجمان مقرر کر دیا گیا ہے۔
وفاقی وزیر اطلاعات عطااللہ تارڑ نے ایکس پر تقرری کا نوٹیفکیشن شیئر کیا، جس کے مطابق یہ تعیناتی وزیر اعظم کے 4 جون کے سابق احکامات اور کابینہ ڈویژن کے 10 جون کے سرکلر کو منسوخ کرتے ہوئے کی گئی ہے۔نوٹیفکیشن میں کہا گیا ہے کہ ’’مشرف علی زیدی کو وزیر اعظم کا غیر ملکی میڈیا کے لیے ترجمان فوری طور پر اور اگلے احکامات تک کے لیے تعینات کیا جاتا ہے‘‘، جبکہ وزارتِ اطلاعات و نشریات اور کابینہ ڈویژن کو متعلقہ کارروائی کی ہدایت کی گئی ہے۔اپنے پیغام میں عطااللہ تارڑ نے لکھا: ’’خوش آمدید، آپ ہماری ٹیم کے لیے ایک بہترین اضافہ ہیں۔ گزشتہ چند ماہ آپ کے ساتھ کام کرنا خوشگوار تجربہ رہا، امید ہے یہ ٹیم ورک اسی جذبے کے ساتھ جاری رہے گا۔‘‘
مشرف زیدی اس وقت وزیر اعظم کے سرکاری کارکردگی اور اختراعات کے کوآرڈینیٹر کے طور پر خدمات انجام دے رہے ہیں۔ انہوں نے لمز سے اکنامکس میں بی ایس سی (آنرز) اور بارک کالج نیویارک سے پالیسی تجزیہ و نان پرافٹ مینجمنٹ میں ماسٹر کی ڈگری حاصل کی۔وہ 2011 سے 2013 تک وزارتِ خارجہ میں پالیسی مشیر رہے، 2013 سے 2018 تک الف اعلان کے کیمپین ڈائریکٹر اور سی ای او کے طور پر کام کیا، جبکہ 2018 میں اسلام آباد میں پالیسی تھنک ٹینک ’تبادلَہ‘ (Tabadlab) کی بنیاد رکھی، جہاں جون 2025 تک سی ای او اور بعد ازاں سینئر فیلو کے طور پر خدمات انجام دیں
حساس معلومات خدشہ،اسرائیلی فوج کے سینئر افسران سے چینی گاڑیاں واپس
غزہ صحافیوں کے لیے سب سے خطرناک مقام ہے، انتونیو گوتریس
لندن آنے والی ٹرین میں چاقو زنی، دو گرفتار، دس زخمی
راولپنڈی میں 216 غیرقانونی افغان شہری گرفتار، 18 مالک مکان بھی حراست میں
