کسٹم انفورسمنٹ کراچی نے سمندری راستے سے 2 کروڑ 20 لاکھ روپے مالیت کا ایرانی ڈیزل اسمگل کرنے کی کوشش ناکام بنا دی۔
فیڈرل بورڈ آف ریونیو (ایف بی آر) کے مطابق کلکٹریٹ آف کسٹمز (انفورسمنٹ) کراچی کے میرین یونٹ نے کامیاب آپریشن کے دوران دو لانچوں کو روکا۔ایف بی آر کا کہنا ہے کہ کارروائی میں 31 ہزار 610 لیٹر ایرانی ڈیزل لانچوں سمیت قبضے میں لے لیا گیا۔دوسری جانب کراچی ٹریفک پولیس نے شہریوں کے لیے نئی رعایتی پالیسی کا اعلان کیا ہے، جس کے تحت پہلا ای چالان معافی نامہ جمع کروا کر منسوخ کرایا جا سکے گا جبکہ 14 دن کے اندر جرمانہ ادا کرنے پر 50 فیصد رعایت دی جائے گی۔
پولیس کے مطابق 21 دن سے زائد تاخیر کی صورت میں مکمل جرمانہ ادا کرنا ہوگا۔ مثال کے طور پر سگنل توڑنے پر موٹر سائیکل سوار کا جرمانہ 5 ہزار روپے ہے، لیکن 14 دن میں ادائیگی کرنے پر صرف 2500 روپے جمع کرانا ہوں گے۔آئی جی سندھ غلام نبی میمن کی زیر صدارت فیس لیس ای ٹکٹنگ سسٹم پر اجلاس میں بتایا گیا کہ صوبے بھر میں نئے ٹریفک قوانین کے مطابق 50 خلاف ورزیوں پر 5 ہزار روپے تک جرمانہ مقرر ہے، تاہم 14 دن میں ادائیگی پر نصف رعایت ملے گی۔
ایئر کرافٹ انجنیئرز کے احتجاج سے قومی ایئر لائن کا فلائٹ آپریشن معطل
ٹرمپ کی عوامی مقبولیت میں تاریخی کمی، ریٹنگ منفی 18 پر پہنچ گئی
