ڈیرہ غازی خان (سٹی رپورٹر جواد اکبر)روزنامہ حجرت حیدرآباد سندھ کے بیورو چیف عمران مشتاق ڈیرہ غازی خان کے دورے پر تشریف لائے، جہاں انہوں نے پاکستان صحافی اتحاد کے مرکزی صدر ظفر اقبال کھوکھر سے خصوصی ملاقات کی۔
یہ ملاقات ڈاکٹر بلال لودھی نائب صدر پاکستان صحافی اتحاد کے ہسپتال میں ہوئی، جہاں ان کی جانب سے پرتکلف ٹی پارٹی کا اہتمام کیا گیا۔ اس موقع پر عمران مشتاق نے ظفر اقبال کھوکھر کو سندھ کی ثقافت کی علامت اجرک کا تحفہ پیش کیا، جبکہ ظفر اقبال کھوکھر نے مہمانِ خصوصی کو وسیب کی پہچان سرائیکی اجرک پہنا کر اعزاز بخشا۔
عمران مشتاق نے پاکستان صحافی اتحاد کی کارکردگی کو سراہتے ہوئے تنظیم کے ساتھ بھرپور تعاون کی یقین دہانی کرائی۔تقریب میں سردار اسلم خان چانڈیہ ایڈوکیٹ (چیئرمین لیگل فورم پاکستان صحافی اتحاد)، نواب عبد الرحمٰن بودلہ اور شیخ مصطفیٰ کنگ سمیت دیگر معزز شخصیات بھی موجود تھیں۔
