فیڈرل بورڈ آف ریونیو (ایف بی آر) نے انکم ٹیکس رولز 2002ء میں ترمیم کی تجویز پیش کر دی ہے، جس کے تحت انفرادی ٹیکس دہندگان کے لیے انکم ٹیکس رولز 2002ء میں ترمیم کی تجویزدینے کی سفارش کی گئی ہے۔
ایف بی آر کی تجویز کے مطابق، اب انکم ٹیکس ریٹرن اور ودہولڈنگ اسٹیٹمنٹ صرف آن لائن جمع کرائی جا سکیں گی۔جاری کردہ نوٹیفکیشن میں بتایا گیا ہے کہ ایف بی آر نے مجوزہ ترمیم پر تجاویز اور اعتراضات 7 دن میں طلب کر لیے ہیں۔ ترمیم رول 73 کے سب رول (2DD) میں کی گئی ہے، جس کا مقصد ٹیکس نظام میں ڈیجیٹل شفافیت کو فروغ دینا ہے۔ایف بی آر کے اعلامیے کے مطابق، ریٹیلرز کے لیے بزنس انٹیگریشن بھی لازمی قرار دے دی گئی ہے۔ وہ ریٹیلرز جن کا ودہولڈنگ ٹیکس ایک لاکھ روپے سے زائد ہے، انہیں ایف بی آر کے نظام کے ساتھ منسلک ہونا ہوگا۔
مزید بتایا گیا کہ سیلز ٹیکس قوانین 2006ء میں بھی ترمیم کی گئی ہے، جس کے تحت پانچ لاکھ روپے تک ودہولڈنگ ٹیکس والے ریٹیلرز بھی ضابطے کے دائرے میں آئیں گے۔نوٹیفکیشن میں کہا گیا ہے کہ نیا قانون سیکشن 150Q کے تحت شامل کیا گیا ہے، جبکہ انٹیگریشن سیلز ٹیکس ایکٹ 1990ء کے سیکشن 43A کے مطابق کی جائے گی
اسحاق ڈار کا 27ویں آئینی ترمیم پر اتحادیوں سے مشاورت کا اعلان
نیو یارک میئر انتخاب: مسلمان امیدوار ظہران ممدانی کی برتری، پولنگ جاری
