ایرانی پارلیمنٹ کے اسپیکر محمد باقر قالیباف نے کہا ہے کہ ایران پاکستان اور سعودی عرب کے درمیان ہونے والے دفاعی معاہدے میں شمولیت کا خواہاں ہے۔
نجی ٹی وی کے پروگرام میں گفتگو کرتے ہوئے انہوں نے کہا کہ اس معاہدے میں ایران کو بھی شامل کیا جانا چاہیے تاکہ مسلم دنیا کا دفاعی اتحاد مزید مضبوط اور مؤثر ہو سکے۔ایرانی اسپیکر نے زور دیا کہ اسلامی تعاون تنظیم (او آئی سی) کو نیٹو کی طرز پر اسلامی ممالک کی مشترکہ فوج تشکیل دینی چاہیے جو امتِ مسلمہ کے اجتماعی دفاع کے لیے کام کرے۔ ان کے مطابق ایسا اتحاد عالمی سطح پر مسلم ممالک کو ایک مضبوط اور بااثر آواز فراہم کرے گا۔قبل ازیں ایف پی سی سی آئی کے صدر عاطف اکرام شیخ اور صنعت کاروں سے ملاقات کے دوران ایرانی اسپیکر نے کہا کہ پاکستان نے اسرائیلی جارحیت کے دوران جس طرح ایران کا ساتھ دیا، اسے ایرانی عوام کبھی نہیں بھلا سکتے۔
انہوں نے کہا کہ پاکستان امتِ مسلمہ کا قیمتی اثاثہ ہے، دونوں ممالک مشترکہ چیلنجز کا سامنا کر رہے ہیں جنہیں باہمی تعاون کے ذریعے حل کیا جا سکتا ہے۔محمد باقر قالیباف نے مزید کہا کہ میڈیکل، توانائی، بینکنگ اور تجارت سمیت مختلف شعبوں میں پاکستان اور ایران کے درمیان تعاون کے بے شمار مواقع موجود ہیں، اور دونوں ممالک کو خطے کے استحکام اور معاشی ترقی کے لیے مشترکہ اقدامات جاری رکھنے چاہئیں۔
واضح رہے کہ پاکستان اور سعودی عرب کے درمیان حال ہی میں دفاعی معاہدہ طے پایا ہے، جس کے مطابق ایک ملک پر حملہ دونوں پر حملہ تصور کیا جائے گا
راولپنڈی میں خاتون کو ریپ کے بعد قتل، تین ملزمان گرفتار
مریم نواز برازیل روانگی سے قبل لندن پہنچ گئیں
قازقستان آج رات ابراہم معاہدوں میں شامل ہو گا ، امریکی اہلکار
افغان فورسز کی سیز فائر کی خلاف ورزی، پاک فوج کا مؤثر جواب
