پاکستان علما کونسل کے چیئرمین علامہ طاہراشرفی نے خیبرپختونخوا کے وزیراعلیٰ سہیل آفریدی کے بیان کی مذمت کی ہے
طاہر اشرفی کا کہنا تھاکہ وزیراعلیٰ خیبرپختونخوا نے مساجد کے حوالے سے جوگفتگوکی وہ قابلِ افسوس ہے، سہیل آفریدی کا بیان نہ صرف قابل مذمت بلکہ پاکستان کے تشخص کوخراب کرنے کی کوشش ہے، پاک فوج مساجد ومدارس کی محافظ ہے جوکہ کبھی بھی غیرمحفوظ نہیں ہوں گے، پی ٹی آئی کے لوگوں کواس طرح کی بات پر وزیراعلیٰ سہیل آفریدی کوعقل وشعور دینا چاہیے،سیاسی مخالفت میں اِس انتہا تک نہ جائیں جس سے ملک، قوم اورپاک فوج کاوقارمجروح ہو، وزیراعلیٰ خیبرپختونخوا نے نفرت میں جوبات کی اس کا حقیقت سے کوئی تعلق نہیں۔
دوسری جانب گورنر خیبر پختونخوا فیصل کریم کنڈی نے کہا ہے کہ وزیراعلیٰ خیبر پختونخوا تحمل سے کام لیں، سیاست کو قومی سلامتی کے اداروں کو کمزور کرنے کا ذریعہ نہ بنایا جائے،تمام سیاسی قوتوں کو دیرپا امن کے لیے مسلح افواج کے ساتھ کھڑا ہونا چاہیے، فوج کے عزائم پر سوال اٹھانا عوامی سلامتی کو نقصان پہنچاتا ہے۔
