ننکانہ صاحب (باغی ٹی وی. عبدالغفار چوہدری)ڈسٹرکٹ آفیسر انڈسٹریز ننکانہ صاحب عمر اکرم نے کہا ہے کہ اوزان و پیمائش میں کمی کسی صورت برداشت نہیں کی جائے گی، خلاف ورزی کرنے والوں کے خلاف آہنی ہاتھوں سے نمٹا جائے گا۔
تفصیلات کے مطابق، ڈائریکٹر جنرل انڈسٹریز پنجاب ذیشان شبیر رانا کی ہدایات پر عمر اکرم نے ضلع بھر کے مختلف پٹرول پمپس کے پیمانے چیک کیے۔ دورانِ چیکنگ کئی پٹرول پمپس پر پیمانہ کم پایا گیا، جنہیں وارننگ دیتے ہوئے ہدایت کی گئی کہ اب روزانہ کی بنیاد پر پیمانے چیک کیے جائیں گے۔
ڈسٹرکٹ آفیسر نے واضح کیا کہ آئندہ پیمانے میں کمی پائے جانے پر سخت کارروائی کی جائے گی، خلاف ورزی کرنے والے پٹرول پمپس کو سیل کر کے چالان عدالت میں بھیجے جائیں گے۔
انہوں نے کہا کہ حکومت صارفین کے حقوق کے تحفظ کے لیے زیرو ٹالرنس پالیسی پر عمل پیرا ہے اور کسی کو عوام کے ساتھ دھوکہ دہی کی اجازت نہیں دی جائے گی۔
