وزیراعلیٰ خیبر پختونخوا سہیل آفریدی کے خلاف جھوٹے اور گمراہ کن بیانات کے ذریعے ریاستی اداروں کی ساکھ کو نقصان پہنچانے کے الزامات پر پیکا ایکٹ کے تحت مقدمہ درج کرلیا گیا۔
نیشنل سائبر کرائم انویسٹی گیشن ایجنسی نے شہری کی شکایت پر سائبر کرائم رپورٹنگ سینٹر اسلام آباد میں مقدمہ درج کیا۔ایف آئی آر کے مطابق سہیل آفریدی پر ریاستی اداروں کے خلاف نفرت انگیز اور بے بنیاد بیانات پر مبنی ویڈیوز سوشل میڈیا پر پھیلانے کا الزام ہے۔مزید کہا گیا ہے کہ سوشل میڈیا پر جاری ویڈیوز میں ریاست اور قومی سلامتی کے اداروں کی ساکھ کو نقصان پہنچانے کی کوشش کی گئی، جبکہ اڈیالہ جیل کے باہر دیے گئے میڈیا ٹاک اور پی ٹی آئی کے آفیشل پیج سے جاری ویڈیو کو بھی اس مقدمے کا حصہ بنایا گیا ہے
حکومت کا 22 ممالک کے ساتھ دوہری شہریت کا معاہدہ موجود ہے،سید قمر رضا
