وزیر دفاع خواجہ آصف نے کہا ہے کہ اگر مسلم ممالک نے اپنی اپنی مملکتوں تک محدود رہ کر اجتماعی جدوجہد نہ کی تو سب باری باری مشکلات میں گھر جائیں گے، اور عالمِ اسلام متحد نہ ہوا تو انجام غزہ اور کشمیر جیسا ہو سکتا ہے۔
سیالکوٹ میں علامہ اقبال کے یومِ پیدائش پر منعقدہ تقریب کے بعد میڈیا سے گفتگو کرتے ہوئے خواجہ آصف نے کہا کہ ہمیں اقبال کے افکار پر چلتے ہوئے کشمیر اور فلسطین کے مظلوم مسلمانوں کے لیے جدوجہد جاری رکھنی چاہیے۔ان کا کہنا تھا کہ امتِ مسلمہ اس وقت انتشار کا شکار ہے، غزہ سے کشمیر تک ظلم جاری ہے، ہمیں ہمت اور اتحاد کے ساتھ مظلوموں کی مدد اور ان کے حق میں آواز بلند کرنی چاہیے۔وفاقی وزیر نے کہا کہ اگر ہم متحد نہ ہوئے تو ایک ایک کر کے سب مشکلات میں مبتلا ہوں گے۔ عالم اسلام کو چاہیے کہ مشترکہ طور پر چیلنجز کا مقابلہ کرے۔
خواجہ آصف نے مزید کہا کہ علامہ اقبال کے اردو و فارسی کلام کو ہمیشہ زندہ رکھنا چاہیے، ہم بدقسمتی سے ان کے اصل پیغام سے دور ہوتے جا رہے ہیں، حالانکہ انہوں نے مسلمانوں کے لیے الگ وطن کا خواب دیکھا اور اپنی زندگی اسی مقصد کے لیے وقف کی
جاپان میں 6.7 شدت کا زلزلہ، سونامی ایڈوائزری جاری
جنرل ساحر مرزا کا سعودی عرب کا دورہ، کنگ عبدالعزیز میڈل آف آنر سے نوازا گیا
سعودی عرب کے اسرائیل سے تعلقات فلسطینی ریاست کے قیام سے مشروط
