پاکستان ویٹرنز کرکٹ ایسوسی ایشن نے اوور 40 ٹی20 ورلڈ کپ 2025 کے لیے 18 رکنی قومی اسکواڈ کا اعلان کر دیا ہے، جس میں سابق بین الاقوامی اور تجربہ کار ویٹرن کرکٹرز شامل ہیں۔
اعلان سابق ٹیسٹ کرکٹر اور چیف سلیکٹر اعجاز احمد فقیہ نے کیا۔سابق آل راؤنڈر عبدالرزاق ٹیم کے کپتان ہوں گے، جنہوں نے 343 بین الاقوامی میچز میں 7 ہزار 400 سے زائد رنز اور 380 سے زیادہ وکٹیں حاصل کیں۔شاہد آفریدی بھی اسکواڈ کا حصہ ہیں، جنہوں نے 524 بین الاقوامی میچز میں 11 ہزار سے زائد رنز اور 540 سے زیادہ وکٹیں حاصل کیں، جبکہ فواد عالم کو ٹیم کا نائب کپتان مقرر کیا گیا ہے۔دیگر کھلاڑیوں میں سہیل خان، ذوالفقار بابر، تابش خان، ہمایوں فرحت، شہریار غنی، ندیم جاوید، عرفان مشتاق، عدنان بیگ، محمد علی، عاطف مقبول، جاوید منصور، حسن ناصر، محمد سلیمان، طارق محمود اور عمران علی شامل ہیں۔
ٹیم انتظامیہ میں جاوید میانداد مینٹر، جلال الدین ہیڈ کوچ اور اعظم خان ٹیم مینیجر ہوں گے۔پی وی سی اے کے چیئرمین فواد اعجاز خان کے مطابق یہ ٹیم پاکستان کرکٹ کی ویٹرنز سطح پر بہترین نمائندگی کرے گی۔
لال قلعہ کے قریب دھماکہ کے بعد ممبئی،بہار سمیت بھارت بھر میں ہائی الرٹ جاری
