گورنمنٹ ملی دارالاطفال گرلز ہائی سکول راجگڑھ لاہور میں یوم اقبال کے سلسلہ میں ایک خصوصی تقریب کا انعقاد کیا گیا ،
تقریب میں طالبات نے ٹیبلو ،تقریری مقابلوں میں حصہ لیا، تقریری مقابلوں میں پہلی پوزیشن سکول کونسل راجگڑھ کی صدر ام حبیبہ نے لی،تقریب کے اختتام پر انعامات تقسیم کئے گئے
یوم اقبال کے سلسلہ میں تقریب سے گورنمنٹ ملی دارالاطفال گرلز ہائی سکول راجگڑھ کی پرنسپل ڈاکٹر شوکت اقبال نے خطاب کیا، اس موقع پر طالبات اور انکے والدین کی بڑی تعداد موجود تھی، سکول کونسل راجگڑھ کی صدر ام حبیبہ کی والدہ نے بطور مہمان خصوصی تقریب میں شرکت کی، تقریب میں اسٹیج سیکرٹری کے فرائض مائرہ شیخ نے سرانجام دیئے، سعدیہ روحی کی زیر نگرانی تقریب میں طالبات نے مفکر پاکستان ڈاکٹر علامہ محمد اقبال کی مسلم امہ اور پاکستان کے لیے کی جانے والی خدمات پر انہیں اپنے انداز میں خراج عقیدت پیش کیا۔منعقدہ تقریب میں علامہ اقبال کی زندگی کے مختلف موضوعات پر طالبات نے اپنے فن خطابت کے جوہر دکھائے۔تقریری مقابلے میں سکول کونسل راجگڑھ کی صدر ام حبیبہ نے اول پوزیشن حاصل کی،دوسری پوزیشن قرت العین، تیسری پوزیشن عائشہ نے حاصل کی،انگریزی میں تقریر کرنے والی طالبہ خدیجہ کو بھی خصوصی انعام دیا گیا،تقریب کے اختتام پر پوزیشن ہولڈرز میں انعامات تقسیم کئے گئے،تقریب سے خطاب کرتے ہوئے پرنسپل ڈاکٹر شوکت اقبال،عذرا پروین،سدرہ و دیگر نے کہا کہ علامہ اقبال نے مسلمانوں کو خود ہی کا درس دیا اور کہا کہ موجودہ تمام مسائل کا حل قران اور سیرت النبی پر عمل پیرا ہونے میں پنہاں ہے۔مفکر پاکستان ڈاکٹر علامہ اقبال ہر زمانے کے شاعر ہیں اور ان کا کلام افاقی ہے۔ کلام اقبال خوابوں کے تحفظ کا نام ہے۔اقبال کے نظریات کو عام کرنے کی ضرورت ہے۔آج کے سوشل میڈیا دور میں علامہ اقبال کے نظریات کے پرچار کے لیے ہر سطح پر ہنگامی اقدامات کرنے کی ضرورت ہے۔
