پاکستان کرکٹ بورڈ (پی سی بی) کے چیئرمین محسن نقوی نے اعلان کیا ہے کہ پاکستان اور سری لنکا کے درمیان باقی ایک روزہ میچز اب 14 اور 16 نومبر کو راولپنڈی کرکٹ اسٹیڈیم میں کھیلے جائیں گے۔
محسن نقوی نے سماجی رابطے کی ویب سائٹ ایکس پر اپنے بیان میں سری لنکن ٹیم کے دورۂ پاکستان جاری رکھنے کے فیصلے پر شکریہ ادا کرتے ہوئے کہا کہ سری لنکن کرکٹ ٹیم کے مشکور ہیں جنہوں نے سیریز کو جاری رکھنے کا فیصلہ کیا۔واضح رہے کہ سری لنکا کرکٹ بورڈ نے کھلاڑیوں اور مینجمنٹ کو دورہ پاکستان مکمل کرنے کی ہدایت دی ہے، جب کہ شائقین کرکٹ نے بھی سری لنکن ٹیم کے اس فیصلے کا خیر مقدم کیا ہے
تین ملکی ٹورنامنٹ کا شیڈول تبدیل، تمام میچز اب راولپنڈی میں ہوں گے
پاکستان کرکٹ بورڈ (پی سی بی) نے تین ملکی ٹورنامنٹ کے شیڈول میں ردوبدل کرتے ہوئے تمام میچز راولپنڈی میں 18 سے 29 نومبر تک کرانے کا اعلان کیا ہے۔پہلے یہ میچز 17 سے 29 نومبر تک راولپنڈی اور لاہور میں ہونا طے تھے۔تین ملکی سیریز میں پاکستان، سری لنکا اور زمبابوے کی ٹیمیں حصہ لیں گی۔
پی سی بی کے مطابق شیڈول میں تبدیلی شریک بورڈز کی مشاورت سے آپریشنل وجوہات کی بنا پر کی گئی۔اس سے قبل سری لنکا کے خلاف ون ڈے سیریز کے شیڈول میں بھی تبدیلی کی گئی تھی، دوسرا میچ 13 کے بجائے 15 اور تیسرا 15 کے بجائے 16 نومبر کو ہوگا
وزیراعظم کی زیر صدارت وفاقی کابینہ کا اجلاس مؤخر، اب کل ہوگا
سیکیورٹی یقین دہانی،سری لنکن ٹیم کو دورہ پاکستان جاری رکھنے کی ہدایت
برطانیہ میں وزیراعظم سر کیئر اسٹارمر کی برطرفی کی قیاس آرائیاں
