بہاولنگر (باغی ٹی وی ،نامہ نگار )پاکستان جرنلسٹ ایسوسی ایشن (PJA) سیکرٹریٹ اسلام آباد کی جانب سے محمد عرفان کو ضلع بہاولنگر کا رکن مقرر کرنے کا نوٹیفکیشن جاری کر دیا گیا ہے۔
تفصیلات کے مطابق مرکزی ایگزیکٹو کمیٹی سے مشاورت کے بعد محمد عرفان کی تقرری کی منظوری دی گئی، جس کے تحت ان کی مدتِ ذمہ داری 13 نومبر 2025 سے 30 نومبر 2026 تک مقرر کی گئی ہے۔
نوٹیفکیشن پر مرکزی چیئرمین میاں اشتیاق علی نے دستخط کیے اور محمد عرفان کے لیے نیک خواہشات کا اظہار کیا۔
ذرائع کے مطابق محمد عرفان کی تقرری کو صحافتی برادری کے لیے خوش آئند اقدام قرار دیا جا رہا ہے، اور توقع ظاہر کی گئی ہے کہ وہ ضلع بہاولنگر میں صحافیوں کے مسائل کے حل اور صحافت کے فروغ کے لیے فعال کردار ادا کریں گے۔
