سینئر صحافی و اینکر پرسن مبشر لقمان نے دعویٰ کیا ہے کہ سپریم کورٹ کے جج جسٹس اطہر من اللّٰہ اور جسٹس منصور علی شاہ نے اپنے عہدوں سے استعفیٰ دے دیا ہے، دونوں جج صاحبان مبینہ طور پر آج رات کینیڈا روانہ ہونے والے تھے۔
مبشر لقمان کا کہنا تھا کہ وفاقی حکومت اس معاملے پر غور کر رہی ہے کہ دونوں جج صاحبان کے نام ایگزٹ کنٹرول لسٹ (ECL) میں ڈالنے پر غور کیا جائے۔ مبشر لقمان نے سوال اٹھایا کہ دیکھتے ہیں وہ نکل پاتے ہیں یا نہیں
واضح رہے کہ جسٹس اطہر من اللّٰہ اور جسٹس منصور علی شاہ نے 27 ویں آئینی ترمیم کی منظوری کے بعد استعفیٰ دے دیا ہے۔سپریم کورٹ کے سینئر جج جسٹس منصور علی شاہ نے 13 صفحات پر مشتمل اپنا استعفیٰ صدر مملکت کو بھجوا دیا ہے۔ جسٹس منصور علی شاہ نے 27 ویں آئینی ترمیم پر تحفظات کا اظہار کیا تھا اور اس سلسلے میں چیف جسٹس سپریم کورٹ جسٹس یحییٰ آفریدی کو 2 خطوط بھی لکھے تھے۔اپنے استعفے میں جسٹس منصور علی شاہ کا کہنا ہےکہ 27 ویں آئینی ترمیم آئین پاکستان پر سنگین حملہ ہے،27 ویں آئینی ترمیم نے سپریم کورٹ آف پاکستان کو ٹکڑے ٹکڑے کردیا ہے۔
