وزیرِ اعظم شہباز شریف کی دعوت پر اردن کے بادشاہ شاہ عبداللہ دوم دو روزہ سرکاری دورے پر اسلام آباد پہنچ گئے، جہاں وفاقی دارالحکومت میں صدر مملکت آصف علی زرداری اور وزیرِ اعظم محمد شہباز شریف نے ان کا گرمجوشی سے استقبال کیا۔
استقبالیہ کے موقع پر خاتونِ اول آصفہ بھٹو زرداری، سابق وزیرِ خارجہ بلاول بھٹو زرداری، وفاقی وزیر اطلاعات عطا تارڑ، وفاقی وزیر مصدق ملک سمیت اہم وزرا اور سیکریٹریز موجود تھے۔وزیرِ اعظم ہاؤس پہنچنے پر شاہ عبداللہ دوم کے اعزاز میں پروقار تقریب کا انعقاد کیا گیا، جہاں انہیں گارڈ آف آنر پیش کیا گیا۔ بعد ازاں شاہ عبداللہ دوم اور وزیرِ اعظم شہباز شریف کے درمیان ون ٹو ون ملاقات ہوگی، جبکہ دونوں ممالک کے وفود کی سطح پر بھی بات چیت ہوگی۔
وزیراعظم ہاؤس سے جاری اعلامیہ کے مطابق اردن کے بادشاہ کا یہ دورہ پاکستان اور اردن کے دیرینہ تعلقات کو مزید مضبوط کرنے کا ذریعہ بنے گا۔ دونوں ممالک سیاسی، اقتصادی اور ثقافتی تعاون کے فروغ پر بھی بات چیت کریں گے، جس سے دوطرفہ تعلقات کے دائرہ کار کو وسیع کرنے میں مدد ملے گی
کندھ کوٹ: مسلح افراد کی فائرنگ سے باپ بیٹا قتل،چولیانی برادری کا انڈس ہائی وے پر دھرنا
