ایس آئی ایف سی کی معاونت سے پاکستان اور قطر کے تعلقات میں اقتصادی، دفاعی اور زرعی تعاون کے نئے دور کا آغازہوا ہے
حال ہی میں صدرِ پاکستان آصف علی زرداری کی دوحہ میں قطر کے نائب وزیراعظم اور وزیر دفاع شیخ سعود سےاہم ملاقات ہوئی،ملاقات میں دفاعی شعبہ، زراعت اور سرمایہ کاری میں تعاون بڑھانے پر اتفاق کیا گیا،سربراہان کی جانب سے مشترکہ فوجی مشقوں، دفاعی ٹیکنالوجی اور مہارت کے تبادلے کیلئے اقدامات پر زور دیا گیا،قطر کے وزیر دفاع نے پاکستان کی مسلح افواج کی پیشہ ورانہ مہارت کو سراہتے ہوئے دفاعی تعاون میں دلچسپی کا اظہارکیا،پاکستان اور قطر کے درمیان اقتصادی اور دفاعی تعلقات سے دفاعی صنعت اور برآمدات کو نئی جہت ملے گی،دو طرفہ تعلقات کی بدولت جدید ٹیکنالوجی، زرعی پیداوار اور سرمایہ کاری کو فروغ ملے گا،پاکستان کی زرعی ،اقتصادی اور دفاعی ترقی میں ایس ائی ایف سی اپنا کلیدی کردار ادا کر رہی ہے،
