وزارتِ داخلہ نے پنجاب میں ضمنی انتخابات کے دوران فول پروف سیکیورٹی کے لیے پاک فوج، سول آرمڈ فورسز اور پولیس کی تعیناتی کا نوٹیفکیشن جاری کر دیا ہے۔
الیکشن کمیشن نے نامزد عسکری اور سول افسران کو مجسٹریٹ درجہ اول کے اختیارات بھی تفویض کر دیے ہیں۔نوٹیفکیشن کے مطابق ضمنی انتخابات کے دن پولیس اور دیگر فورسز دوسرے درجے پر کوئیک ری ایکشن فورس کے طور پر کام کریں گی، جبکہ پاک فوج تیسرے درجے پر اسٹینڈ بائی رہے گی۔ 22 سے 24 نومبر تک آرمی اور سول آرمڈ فورسز کو اسٹینڈ بائی رکھا جائے گا اور رینجرز کو فوری ردعمل یونٹس کے طور پر خدمات دی جائیں گی۔فورسز کو ضابطہ فوجداری اور انسدادِ دہشت گردی ایکٹ کے تحت کارروائی کے مکمل اختیارات حاصل ہوں گے تاکہ انتخابی دنوں میں کسی بھی ہنگامی صورتحال یا قانون شکنی کو مؤثر انداز میں روکا جاسکے۔
پی پی-115، پی پی-116، پی پی-269، این اے-185، این اے-18، پی پی-73، این اے-96، این اے-104، این اے-143، پی پی-98، پی پی-203، این اے-129 اور پی پی-87 سمیت متعدد حلقوں میں فورسز تعینات کی جائیں گی
فیصلآباد فیکٹری بوائلر دھماکا: 20 افراد جاں بحق، مقدمہ درج
سیکیورٹی فورسز کی کارروائیاں بھارتی پراکسی فتنہ الخوارج کے 13 دہشت گرد ہلاک
