امیر جماعت اسلامی حافظ نعیم الرحمٰن کا کہنا ہے کہ خاندانوں، وراثت اور وصیت پر چلنے والے کبھی کوئی بڑا انقلاب نہیں لاسکتے۔
گریٹر اقبال پارک میں جماعت اسلامی کا تین روزہ "بدل دو نظام ” اجتماع عام ، ہزاروں افراد شریک ہیں،لاہور میں اجتماع عام سے خطاب کرتے ہوئے انہوں نے کہا کہ قانون کی نظر میں سب برابر ہیں، انسان ہونے کے ناتے ہم سب کو برابری کی سطح پر رکھیں گے، بدل دو نظام کا مطلب یہ ہے کہ اب جاگیرداروں کا نظام نہیں چلے گا، نظام وہ چلے گا جو اللّٰہ کی مرضی کا ہو گا، جدوجہد کبھی غیر منظم نہیں ہوتی، گلی گلی محلے محلے جائیں گے، نظام کا شعور پیدا کریں گے، جماعت اسلامی میں قیادت اور کارکن میں فاصلہ نہیں ہوتا، جماعت اسلامی مڈل کلاس جماعت ہے، جماعت اسلامی میں غریب، امیر، مزدور کسان سب ہیں، کونسی پارٹی ہے جس میں جمہوریت ہے، نوجوان چاہتے ہیں کہ حالات تبدیل ہوں، تمام سیاسی جماعتوں کے کارکنوں کی قدر کریں، سیاسی ورکرز کی عزت کریں، اختلاف کو اختلاف کی جگہ پر رکھیں، حقیقی انقلاب کے لیے تمام سیاسی کارکنوں کو پیغام دیتا ہوں آئیں جماعت اسلامی کے ساتھ چلیں۔ موجودہ نظام عوام کو ریلیف نہیں دے سکتا، ظلم کا یہ نظام اب مزید نہیں چل سکے گا، سازشوں یا فارم 47 کے ذریعے اقتدار میں نہیں آئیں گے،جماعت اسلامی انکلوسیو ہے، سب کو ساتھ لے کر چلتی ہے۔تمام سیاسی جماعتوں کے کارکنوں کو ساتھ لے کر نظام کی تبدیلی کیلئے تیار ہیں
