پاکستان ٹریڈنگ کارپوریشن (ٹی سی پی) نے بنگلادیش کو سپلائی کے لیے ایک لاکھ ٹن سفید چاول (ایری-6) کی خریداری کا ٹینڈر جاری کر دیا۔ بولیاں جمع کرانے کی آخری تاریخ 28 نومبر مقرر کی گئی ہے۔
چاول کراچی کی بندرگاہوں سے بریک بلک کارگو کی صورت میں بھجوایا جائے گا، جبکہ ہر بولی کم از کم 25 ہزار ٹن کی ہوگی۔ چاول تازہ پاکستانی فصل سے اور انسانی استعمال کے لیے موزوں ہونا ضروری ہے۔اگست 2024 میں شیخ حسینہ کی برطرفی کے بعد اسلام آباد اور ڈھاکا کے تعلقات بہتر ہونے سے دوطرفہ تجارت میں اضافہ دیکھا جا رہا ہے۔ پاکستان اور بنگلادیش نے رواں سال پہلی بار جی ٹو جی بنیاد پر 50 ہزار ٹن چاول کی تجارت بھی کی تھی۔
تاجروں کے مطابق یہ ٹینڈر بنگلادیش کی درآمدی سپلائی میں پاکستانی چاول شامل کرنے کوشش ہے، جب کہ مارکیٹ میں توقع ہے کہ حالیہ درآمدات کے لیے بھارتی چاول استعمال ہوگا۔چاول کی برآمدات کے حوالے سے مالی سال 26 کی پہلی سہ ماہی میں پاکستان کی برآمدات میں 28 فیصد کمی ریکارڈ کی گئی، جس کی وجہ بھارت کی برآمدات کی بحالی اور مطابق پالیسی چیلنجز کو قرار دیا جا رہا ہے
لاہور ، پشاور اور کوئٹہ کے پی ایس ایل معاہدوں میں مزید 10 سال کی توسیع
2025-26 کے لیے گیس کی قیمتوں میں کمی کا اعلان
