کاؤنٹر ٹیررازم ڈپارٹمنٹ (سی ٹی ڈی) نے کمانڈ اینڈ کنٹرول موبائل یونٹ کو باضابطہ طور پر فعال کر دیا ہے۔
ترجمان سی ٹی ڈی کے مطابق یہ موبائل یونٹ ایک چلتا پھرتا ہیڈ کوارٹر ہوگا، جسے دہشت گردی کے خلاف آپریشنز میں تکنیکی برتری فراہم کرنے کے لیے تیار کیا گیا ہے۔ترجمان نے بتایا کہ یہ کمانڈ اینڈ کنٹرول یونٹ خصوصی طور پر حساس پروگراموں کے دوران استعمال ہوگا، جن میں رائیونڈ اجتماع، داتا دربار، کرکٹ میچز اور دیگر بڑے ایونٹس شامل ہیں۔ اس کے علاوہ یوم عاشور اور بڑے سیاسی اجتماعات کی سیکیورٹی کیلئے بھی اسے موثر طور پر استعمال کیا جائے گا۔
سی ٹی ڈی کے مطابق حساس پروگراموں کی مانیٹرنگ، کمانڈ اور کوآرڈی نیشن ایک ہی موبائل وین سے سرانجام دی جائے گی، جبکہ لائیو آپریشنز کے دوران فورس کو ڈیٹا، ویڈیو فیڈ اور تجزیاتی معاونت فراہم کی جائے گی۔مزید بتایا گیا کہ یہ موبائل یونٹ لاہور سے کراچی، کوئٹہ، پشاور اور سرحدی علاقوں تک بطور بیک اپ کمانڈ سینٹر کام کرنے کی صلاحیت بھی رکھتا ہے۔ ترجمان کے مطابق اس جدید یونٹ کے ذریعے جلسوں، جلوسوں اور بڑے اجتماعات کی سیکیورٹی مزید مؤثر اور مربوط ہو جائے گی
پاکستان کا سری لنکا دورہ، 3 ٹی 20 میچز کی سیریز کا امکان
بنگلادیش کو برآمد کے لیے 1 لاکھ ٹن چاول خریداری کا ٹینڈر جاری
شی جن پنگ اور ٹرمپ کا ٹیلیفونک رابطہ، تائیوان سمیت اہم امور پر گفتگو
