جوئے کی ایپلی کیشنز کی تشہیر کے الزام میں گرفتار معروف یوٹیوبر سعد الرحمٰن المعروف ڈکی بھائی تقریباً چار ماہ بعد جیل سے رہا ہوگئے۔
ڈکی بھائی کو نیشنل سائبر کرائمز انویسٹی گیشن ایجنسی (این سی سی آئی اے) نے 17 اگست 2025 کو لاہور ایئرپورٹ سے حراست میں لیا تھا۔ ان پر الزام ہے کہ انہوں نے آن لائن جوئے کی ایپس کی تشہیری مہم میں حصہ لیا۔سرکاری مدعیت میں درج مقدمے میں سائبر کرائم ایکٹ 2016 کی دفعات 13، 14، 25 اور 26 کے علاوہ پاکستان پینل کوڈ کی دفعات بی-294 اور 420 بھی شامل ہیں، جن کا تعلق الیکٹرانک جعلسازی، فراڈ، اسپامنگ، اسپوفنگ اور دھوکے سے ہے۔
گرفتاری کے بعد یوٹیوبر کی ضمانت سے متعلق متعدد درخواستیں مسترد ہوئیں، تاہم 24 نومبر کو عدالت نے ان کی درخواست منظور کرلی۔لاہور ہائی کورٹ نے دو روز قبل 10 لاکھ روپے کے مچلکوں کے عوض ضمانت منظور کی، جس کے بعد 26 نومبر کو انہیں جیل سے رہا کردیا گیا
پشاور میں گیس پائپ لائن دھماکے سے آگ بھڑک اٹھی
کچھی،گھر میں دھماکا، 2 بچوں سمیت 3 افراد جاں بحق
جے یو آئی (ف) رہنما فرخ کھوکھر غیر قانونی اسلحہ رکھنے پر گرفتار
