مختلف لنکس کے ذریعے خواتین کے موبائل فون اور سوشل میڈیا اکاؤنٹس ہیک کرنے والا ملزم کراچی سے پکڑا گیا، ملزم کے موبائل سے مختلف خواتین کی 400 سے زائد ویڈیوز برآمد ہوئیں، ملزم نے لاہور کے شہری سے ہیکنگ لنکس خریدنے کا اعتراف کرلیا۔
کراچی پولیس نے خواتین کے موبائل فون اور سوشل میڈیا اکاؤنٹس ہیک کرنیوالے ملزم کو گرفتار کرلیا۔عید گاہ پولیس کے ہاتھوں گرفتار ملزم سمیر نے دوران تفتیش سنسنی خیز انکشافات کئی کیے ہیں۔ملزم نے اعتراف کیا کہ اس نے لاہور کے ایک شہری سے صرف 5 ہزار روپے میں ہیکنگ لنکس خریدے۔پولیس کے مطابق ملزم لنک بھیج کر موبائل فون اور سوشل میڈیا اکاؤنٹس ہیک کرتا تھا، ملزم کے موبائل سے خواتین کی 400 سے زائد ویڈیوز برآمد ہوئیں، ملزم نے واٹس ایپ، انسٹاگرام، فیس بک اکاؤنٹس بھی ہیک کیے۔ پولیس کا کہنا ہے کہ ملزم نے دوران تفتیش اعتراف کیا کہ لنک کے ذریعے موبائل فون ہیک کیا جاسکتا ہے، ملزم کے موبائل سے فحش گفتگو کا مواد بھی ملا۔
