پشاور: معروف عالم دین کو فائرنگ کر کے شہید کر دیا گیا
مدرسہ جامعہ عصریہ سفید ڈھیری کے معلم اور اہلحدیث جماعت کے مولانا عزت اللہ ولد عزیز خان کو نامعلوم افراد نے فائرنگ کر کے شہید کر دیا۔ یہ واقعہ بورڈ بازار میں پیش آیا جب وہ جمعہ کی نماز ادا کرنے کے بعد گھر واپس جا رہے تھے۔ حادثے کے وقت ان کے ساتھ ان کا بیٹا بھی موجود تھا جو فائرنگ کے نتیجے میں زخمی ہو گیا۔ زخمی کو فوری طور پر قریبی ہسپتال منتقل کر کے علاج معالجے کے لیے داخل کیا گیا،پولیس کی ٹیمیں جائے وقوعہ پر پہنچ کر تحقیقات کر رہی ہیں اور مزید معلومات جاری کی جائیں گی۔مولانا عزت اللہ یتیم بچوں کی کفالت کے لیے جانے جاتے تھے۔
